Noticias Toda la actualidad de IU Asturias

01/02/2018
FER

XIII Certame de Rellatos Curtios Valentín Palacio

Bases de la Convocatoria

Col oxetu de da-y puxu a la creación lliteraria nel tarrén de temes sociales y políticos, IZQUIERDA XUNIDA de Siero convoca esti XIII Certame de Rellatos Curtios "Valentín Palacio", rexíu poles bases que vienen darréu:

1.- Puen participar nel concursu cuantes persones quieran facelo, con independencia de la so nacionalidá y llugar de residencia.

2. Los rellatos tienen que ser orixinales ya inéditos, d’un llargor de menos de 35 llinies (escrites en lletra Arial tamañu 10), han tar escritos en castellanu o asturianu y el tema tien que tar rellacionáu con aspectos sociales o políticos. Va almitise ún solu rellatu de cada participante.

3.- Pa participar hai qu’unviar un corréu electrónicu a la direición relatosvalentinpalacio@gmail.com col asuntu “XIII Certame de Rellatos Curtios Valentín Palacio” y dos archivos: ún col rellatu (col títulu y l’alcuñu escoyíu) y otru cola plica, na que tien que venir:

- Títulu. - Alcuñu. - Nome completu -- Teléfonu

- Nº del carné d’identidá. - Señes. - Señes de corréu electrónicu.

Les y los autores que cursen estudios nos institutos públicos de los conceyos de La Comarca del Nora, fadránlo saber col asuntu “XIII Certamen de Relatos Cortos Valentín Palacio – ESTUDIANTE”.

4.- La organización del concursu asegura l’anonimatu de los participantes en tol procesu de deliberación del xuráu. Nel plazu máximu d’una selmana dende la receición, la organización va confirmar per corréu electrónicu que se recibió y rexistró’l rellatu.

5.- El plazu de presentación de los rellatos va acabar el 22 de marzu del 2018.

6.- El fallu del xuráu va asoleyase’l xueves 12 d’abril del 2018, coincidiendo col actu de celebración del DÍA DE LA REPÚBLICA entamáu por I.X. de Siero.

7.- IZQUIERDA XUNIDA de Siero va espublizar en diferentes medios los rellatos ganadores.

8.- El xuráu van formalu persones del conceyu vinculaes a la creación lliteraria escoyíes por IZQUIERDA XUNIDA de Siero, y la composición nun se va conocer hasta’l momentu del fallu.

9.- El fallu del xuráu nun va poder retrucase y va conceder un premiu de 400 € y otros tres premios de 150€, 100€ y 50€ pa xente mozo qu’estudie nun institutu públicu de los conceyos de La Comarca del Nora (Siero, Llanera y Noreña). Cualesquiera de los premios podríen quedar ermos.

10.- La participación nel certame implica aceptar estes bases, reservándose IZQUIERDA XUNIDA de Siero la facultá d’iguar cualquier problema que nun tea previstu n’elles.

Volver

Compartir

IU Siero - C/ Ángel Embil, 11-bajo, 33510 La Pola Siero - Tlf.: 985 72 14 43 | 684 69 03 91 - edgarg@ayto-siero.es